𝐍𝐈𝐆𝐑Á𝐍 𝐑𝐄𝐂𝐔𝐏𝐄𝐑𝐀𝐑Á 𝐀 𝐅𝐎𝐍𝐓𝐄 𝐃𝐀 𝐑𝐀𝐌𝐀𝐋𝐋𝐎𝐒𝐀 𝐂𝐎 𝐀𝐏𝐎𝐈𝐎 𝐃𝐄 𝐆𝐀𝐋𝐈𝐂𝐈𝐀 𝐒𝐔𝐑𝐎𝐄𝐒𝐓𝐄.

 𝐍𝐈𝐆𝐑Á𝐍 𝐑𝐄𝐂𝐔𝐏𝐄𝐑𝐀𝐑Á 𝐀 𝐅𝐎𝐍𝐓𝐄 𝐃𝐀 𝐑𝐀𝐌𝐀𝐋𝐋𝐎𝐒𝐀 𝐂𝐎 𝐀𝐏𝐎𝐈𝐎 𝐃𝐄 𝐆𝐀𝐋𝐈𝐂𝐈𝐀 𝐒𝐔𝐑𝐎𝐄𝐒𝐓𝐄.

 O Concello de Nigrán, en colaboración coa Asociación de Desenvolvemento Galicia Suroeste Eurural, levará a cabo unha intervención de rexeneración na Fonte da Ramallosa, situada no río Miñor. O proxecto, financiado a través do Plan de Sustentabilidade Turística en Destino “A Despensa de Galicia” con fondos europeos Next Generation, busca recuperar este espazo degradado, mellorar a súa estética e reducir os problemas de inundacións da zona.

 “A fonte e o antigo lavadoiro da Ramallosa foron lugares fundamentais para xeracións pasadas, e a súa rehabilitación, unida á rexeneración da Alameda, permitirá recuperar un espazo natural clave para a cidadanía”, destacou o alcalde de Nigrán, Juan González, durante a súa recente visita á zona acompañado pola presidenta de Galicia Suroeste Eurural e alcaldesa de Tomiño, Sandra González, e o alcalde de Pazos de Borbén, Luciano Otero.

 O Concello xa solicitou as autorizacións necesarias para intervir neste espazo protexido pola Rede Natura 2000. As obras comezarán tan pronto se obteñan os permisos, incluíndo a rehabilitación do paseo marítimo, a remodelación da baixada á fonte con novos materiais combinando madeira, aceiro e cristal, e a creación dun miradoiro. Ademais, instalarase un sistema de balizamento LED para sinalizar as mareas e melloraranse as drenaxes para evitar acumulacións de sedimentos.

«xeodestino Galicia Suroeste»