𝐎 𝐂𝐏𝐈 𝐂𝐎𝐕𝐀 𝐓𝐄𝐑𝐑𝐄Ñ𝐀 𝐃𝐄 𝐁𝐀𝐈𝐎𝐍𝐀 𝐂𝐎𝐋𝐀𝐁𝐎𝐑𝐀 𝐂𝐎𝐀 𝐔𝐍𝐈𝐕𝐄𝐑𝐒𝐈𝐃𝐀𝐃𝐄 𝐃𝐄 𝐕𝐈𝐆𝐎 𝐍𝐀 𝐂𝐑𝐄𝐀𝐂𝐈Ó𝐍 𝐃𝐔𝐍 𝐁𝐀𝐍𝐂𝐎 𝐍𝐀𝐂𝐈𝐎𝐍𝐀𝐋 𝐃𝐄 𝐀𝐑𝐄𝐀.

 𝐎 𝐂𝐏𝐈 𝐂𝐎𝐕𝐀 𝐓𝐄𝐑𝐑𝐄Ñ𝐀 𝐃𝐄 𝐁𝐀𝐈𝐎𝐍𝐀 𝐂𝐎𝐋𝐀𝐁𝐎𝐑𝐀 𝐂𝐎𝐀 𝐔𝐍𝐈𝐕𝐄𝐑𝐒𝐈𝐃𝐀𝐃𝐄 𝐃𝐄 𝐕𝐈𝐆𝐎 𝐍𝐀 𝐂𝐑𝐄𝐀𝐂𝐈Ó𝐍 𝐃𝐔𝐍 𝐁𝐀𝐍𝐂𝐎 𝐍𝐀𝐂𝐈𝐎𝐍𝐀𝐋 𝐃𝐄 𝐀𝐑𝐄𝐀.

 O CPI Cova Terreña de Baiona participa no proxecto “Iberarenum”, unha iniciativa do Centro de Investigación Mariña da Universidade de Vigo (CIM-UVigo) que pretende recompilar e analizar areas de diferentes praias da Península Ibérica para estudar a súa evolución e os efectos do cambio climático.

 Este mércores, un grupo de alumnos de 3º da ESO do centro realizou unha recollida de mostras na praia, dando así comezo a este proxecto de ciencia cidadá, financiado pola Fundación Española para a Ciencia e a Tecnoloxía (FECYT). A iniciativa busca implicar a persoas de todas as idades na investigación da sedimentoloxía mariña, contribuíndo ao coñecemento dos cambios que afectan ás nosas costas.

 No acto de presentación estiveron presentes o alcalde de Baiona, Jesús Vázquez Almuíña, e o director do CIM-UVigo, Daniel Rey, quen salientou a importancia de estudar a composición e a orixe da area das praias para comprender os procesos naturais que as moldean.

 Con este proxecto, o CPI Cova Terreña súmase a unha experiencia educativa e científica que permitirá achegar o traballo investigador á cidadanía, fomentando a concienciación sobre a protección do litoral nun contexto de cambio climático.