Somos Terra e o Concello de Nigrán lideran unha limpeza ambiental tras a tregua meteorolóxica

A asociación Somos Terra, en colaboración co Concello de Nigrán, organizou este domingo unha xornada de limpeza ambiental aproveitando a mellora das condicións meteorolóxicas.

A acción na que tamén participou o propio alcalde de Nigrán, Juan González, permitiu retirar arredor de 25 bolsas de residuos, compostas principalmente por plásticos e outros materiais contaminantes.

Os traballos desenvolvéronse durante practicamente toda a franxa matinal e contaron coa participación de voluntariado comprometido coa recuperación da contorna natural. A iniciativa centrouse en zonas afectadas pola acumulación de lixo, contribuíndo así a mellorar o estado ambiental do municipio.

Somos Terra naceu tras os incendios forestais que castigaron a comarca nos últimos anos, co obxectivo de promover a concienciación ecolóxica e fomentar a implicación cidadá na protección e recuperación do territorio.