O parador de Baiona é o rei de España: máis de 17.600 comensais este verán

O establecemento galego lidera todos os Paradores do país en actividade gastronómica e supera con creces aos seus competidores.

O Parador de Baiona volve brillar a nivel nacional tras rexistrar un verán histórico. Con 17.645 comensais atendidos durante xullo e agosto, é o Parador que máis visitantes recibiu en toda España, deixando atrás a outros referentes como Santiago de Compostela (11.836 cubertos) ou Aiguablava (12.511).

Esta cifra récord evidencia a capacidade do Parador de Baiona de atraer tanto turistas nacionais como internacionais, combinando servizo público, calidade gastronómica e unha ubicación privilexiada no corazón do Baixo Miñor.

Ademais, o verán tamén foi excepcional en ocupación, formando parte dos destinos de sol e praia onde se superou o 94%, consolidando a Baiona como un referente turístico en Galicia e en todo o país.