o asador María Eugenia de Baredo entrega máis de 550 quilos de alimentos á ong Ayuda al Mundo Necesitado

A ong Ayuda al Mundo Necesitado recibiu máis de 550 quilos de alimentos procedentes dunha iniciativa solidaria impulsada polo Asador María Eugenia de Baredo, canalizada a través do Concello de Baiona. A doazón destinarase á atención de persoas e familias en situación de vulnerabilidade.

A colaboración materializouse tras a celebración dunha comida solidaria organizada polo establecemento hostaleiro, cuxa recadación foi transformada en alimentos non perecedoiros. O Concello de Baiona actuou como intermediario para facilitar a entrega á entidade social e a súa posterior distribución.

O alcalde de Baiona, Jesús Vázquez Almuiña, sinalou que este tipo de iniciativas permiten reforzar o labor das organizacións sociais que operan no municipio e complementar os recursos de atención social. Pola súa banda, a presidenta da ong, Juana Alonso, indicou que a achega permitirá ampliar a axuda a numerosas familias nos próximos meses.