Grave accidente en Nigrán: octoxenario ferido ao ser impactado o seu coche por un camión.

Esta mañá, un home de 85 anos resultou gravemente ferido tras un accidente na Rúa Rans, no centro de Nigrán. O vehículo do octoxenario, estacionado nunha praza reservada a persoas con mobilidade reducida fronte a unha farmacia, foi alcanzado por un camión que perdeu o control.

O impacto deixou o coche atrapado entre o camión e a fachada do establecemento. Foi preciso que bombeiros do GES do Val Miñor e persoal sanitario interviron para liberar ao afectado. Tras ser extraído cunha camilla, foi trasladado nunha ambulancia de Soporte Vital Básico ao Hospital Álvaro Cunqueiro de Vigo, onde permanece en estado grave.

Testemuñas destacan que o condutor do camión sufrira un despiste no momento do accidente. As autoridades investigan as circunstancias exactas do suceso.