El guitarrista clásico internacional afincado en Nigrán, David Russell, ofrecerá un concierto benéfico por el 30º aniversario del Banco de Alimentos de Vigo

O recoñecido guitarrista de música clásica David Russell, afincado en Nigrán e galardoado a nivel internacional, será o protagonista do concerto benéfico organizado pola Fundación Provincial Banco de Alimentos con motivo do seu 30º aniversario. O evento celebrarase o 22 de maio ás 20:30 horas no Teatro Afundación de Vigo e a recadación íntegra destinarase á compra de alimentos para as persoas máis vulnerables.

A presentación oficial tivo lugar esta mesma mañá no propio Teatro Afundación, coa presenza do artista e de representantes da Fundación Banco de Alimentos de Vigo, xunto a membros de Afundación e da promotora Esmerarte, que colaboran de forma altruísta nesta iniciativa solidaria.

A través desta acción, preténdese apoiar o labor que a Fundación desenvolve diariamente xunto a máis de 150 entidades sociais, chegando a 20.000 persoas en situación de vulnerabilidade. A venda de entradas xa está dispoñible a través da plataforma Ataquilla.

“É fundamental encher o teatro, cada entrada conta. Todo o recadado permitirá seguir tendendo a man ás persoas que máis o necesitan”, sinalan desde a organización.