Baiona pechará o espigón de A Doca este xoves por obras de mellora e intervención artística

O espigón de A Doca de Baiona pechará este xoves temporalmente polas obras de mellora da infraestrutura e saneamento da zona, ás que se engade a realización dunha intervención artística por un artista de recoñecido prestixio internacional. Portos de Galicia e o Concello agradecen a colaboración cidadá durante estas actuacións.

Portos de Galicia, o Concello de Baiona e a Fundación Sabadell asinaron un convenio de colaboración para a mellora do muelle, cun investimento total de 422.750 euros. Portos de Galicia achegará 332.750 euros para saneamento e reforzo estrutural, mentres que a Fundación Sabadell contribuírá con 90.000 euros para a obra artística. O Concello será responsable de tramitar permisos, organizar e supervisar os traballos e coordinar o proxecto artístico.

Esta actuación pretende converter o espigón nun punto de referencia cultural e turístico, promovendo o coñecemento da tradición pesqueira e a conservación do entorno mariño. Durante a firma do convenio, o presidente de Portos de Galicia destacou o compromiso da Xunta coa integración entre portos e comunidades, facendo destes espazos motores de riqueza, emprego e tamén lugares amables para o vecindario.