A Garda Civil investiga un posible caso de acoso escolar no colexio CPI Cova Terreña de Baiona

A Garda Civil investiga un presunto caso de acoso escolar no colexio público CPI Cova Terreña, situado no municipio pontevedrés de Baiona. Segundo fontes próximas á investigación, varios menores poderían estar implicados en episodios de bullying a outros compañeiros do centro.

Segundo informa EuropaPress, a investigación arrincou este luns, coincidindo coa denuncia presentada pola directora do colexio por unhas pintadas aparecidas nos muros do recinto escolar. Os axentes non descartan que ambos feitos estean relacionados.

De momento, a Garda Civil mantén abertas as dilixencias de oficio e continúa a recoller información para determinar o alcance e a responsabilidade dos implicados.