A Comunidade de Augas de Mañufe alerta de contaminación na traída e desaconsella o seu uso

A Comunidade de Augas de San Vicente de Mañufe lanzou onte un aviso urxente aos veciños tras recibir os resultados da última analítica, realizada o sábado a última hora, na que se detectaron valores de contaminación na traída.

Desde a entidade comunal recoméndase non empregar a auga para beber nin para cociñar, ata que se esclareza a orixe do problema. Para iso, este luns serán recollidas novas mostras en distintos puntos da rede co obxectivo de determinar a procedencia da incidencia.

Trátase da primeira vez en 30 anos que se rexistran valores desta natureza, mesmo tendo como fonte auga procedente do río, o que incrementa a preocupación pola situación.

A Comunidade de Augas comprometeuse a informar de inmediato aos usuarios en canto existan novos datos sobre a evolución da analítica, pedindo comprensión e colaboración á veciñanza.