A comparsa Carnavales de Mañufe pecha os desfiles de Entroido na parroquia este sábado
A comparsa Carnavales de Mañufe será a encargada de poñer o broche final aos desfiles de Entroido cun percorrido pola parroquia de Mañufe o vindeiro sábado día 7.
O desfile arrancará ás 18:30 horas desde a zona de San Sebastián e continuará ata o Cruceiro de Mañufe, levando cor, música e animación ás rúas para despedir as celebracións deste ano.
A organización anima á veciñanza a participar e acompañar á comparsa nesta última cita do Entroido na parroquia.