O paisaxe da estrada Vigo-Baiona cambia para sempre coa demolición da vella estrutura da fábrica Álvarez

Hai un ano, en febreiro de 2025, a Xerencia de Urbanismo de Vigo deu luz verde ao derrubo do antigo edificio do Grupo de Empresas Álvarez (GEA), situado no número 159 da estrada de Camposancos, na parroquia de Coruxo. Esta histórica industria de loza e cerámica, que chegou a ser a segunda empresa con máis traballadores en Vigo tras Citroën (hoxe Stellantis), levaba máis de dúas décadas abandonada.

A propietaria do terreo, Residencial El Rocío S.L., iniciou en decembro de 2025 os traballos previos, retirando o amianto coa empresa Coarvi antes de iniciar o derrubo da nave. A estrutura, de planta única e 9,10 metros de altura, ocupaba 9.340 m² nunha parcela de 34.930 m².

O custe da obra é de 324.220,70 euros, cun prazo máximo de tres anos para completala, que, co ritmo actual, parece cumprirse sen problemas. Así, o antigo icono industrial vai desaparecendo pouco a pouco, deixando paso a novos proxectos que transformarán definitivamente o entorno da estrada Vigo-Baiona.