O catálogo galego do litoral recolle máis de trinta bens de valor cultural en Baiona, Nigrán e Gondomar

O patrimonio litoral do Val Miñor recibe un novo recoñecemento co seu incluído no Catálogo Galego de Bens de Valor Cultural do Litoral, un documento que identifica e protexe espazos e construcións singulares situadas na franxa costeira galega.

No caso de Baiona, o catálogo incorpora elementos tan emblemáticos como o Porto de Baiona, o Antigo Faro de Cabo Silleiro, a Lonxa de Peixe, o Mural de Azulexería da Arribada ou o Cruceiro do Monte do Boi, xunto con varios hórreos e fontes históricas repartidas polo municipio.

En Nigrán, a relación inclúe o Monumento de Monteferro, o Castro de Panxón, os petroglifos do Coello e de Punta Lamela, así como a Ponte da Ramallosa, a Capela e o Cruceiro de San Campio e as antigas Cocheiras do Tranvía, testemuñas do pasado histórico e industrial da vila.

Pola súa parte, Gondomar figura co enclave da Capela da Virxe da Luz e o seu torreiros, un punto de referencia relixioso e cultural moi vinculado á tradición popular.

Dende os tres concellos do Val Miñor valórase positivamente esta catalogación, que contribúe a preservar a identidade patrimonial da comarca e a reforzar a súa potencialidade como destino turístico e cultural de primeiro nivel.

BAIONA

• Pazo de Cadaval
• 82_003 Hórreo na Ramallosa
• 82_004 Lonxa de Peixe
• 82_005 Porto de Baiona
• 82_006 Mural de azulexería da Arribada
• 82_007 Fonte no paseo do Monte do Boi
• 82_008 Hórreo en Baiona
• 82_009 Cruceiro do Monte do Boi
• 82_010 Casa en esquina Rúa Tomás Mirambel e Xoselín
• 82_011 Fonte Cristalina
• 82_012 Hórreo en Rocamar
• 82_013 Muíños en Rocamar
• 82_014 Antigo Faro de Cabo Silleiro

NIGRÁN

• Monumento de Monteferro
• 80_002 Petroglifo de Punta Lamela
• 80_003 Punta de Meda
• 80_004 Petroglifo do Coello 2
• 80_005 Petroglifo do Coello 1
• 80_006 Castro de Panxón
• 80_007 Ensenada de Panxón
• 80_008 A Foz
• 80_009 Cocheiras do tranvía
• 80_010 Capela de San Campio
• 80_011 Cruceiro da Capela de San Campio
• 80_012 Casas da Ponte Vella da Ramallosa
• 80_013 Cruceiro da Ponte Vella da Ramallosa
• 80_014 Ponte da Ramallosa

GONDOMAR

• 1 Capela da Virxe da Luz e torreiros