Nigrán abre o concurso para o parque deportivo inclusivo que integrará as pistas de atletismo de Porto do Molle

octubre 13, 2025 admin

O Concello seleccionará o mellor proxecto arquitectónico para crear un espazo deportivo accesible e multifuncional

O Concello de Nigrán vén de convocar un concurso de proxectos arquitectónicos, con xurado profesional e desenvolvido en dúas fases (ideas e anteproxectos), co obxectivo de deseñar e construír o futuro Parque Deportivo Inclusivo de Porto do Molle.

A iniciativa, promovida en colaboración co Colexio Oficial de Arquitectos de Galicia (COAG), busca a proposta máis axeitada para levantar un complexo deportivo de referencia no polígono comercial Porto do Molle, combinando innovación, integración e accesibilidade universal.

Un proxecto con visión social e arquitectónica

O futuro parque deberá integrar e completar a actual pista de atletismo en construción, incluír unha nova pista cuberta regulamentaria con grada para un mínimo de 250 espectadores, incorporar a pista de skate xa existente e valorar a creación de novas pistas polideportivas e zonas de ocio, ademais de espazos de aparcamento dentro da parcela.

O deseño deberá cumprir estritamente cos criterios de accesibilidade universal e coas prescricións técnicas recollidas nas bases do concurso, apostando por un espazo deportivo pensado para todas as idades e capacidades.

Dúas fases de selección

O concurso desenvolverase en dúas fases diferenciadas:

Primeira fase, aberta e anónima, centrada na presentación de ideas iniciais de deseño. Deste proceso sairán cinco propostas finalistas, que serán convidadas a participar na seguinte etapa.
Segunda fase, na que os cinco equipos seleccionados deberán desenvolver o seu proxecto a nivel de anteproxecto.

O gañador será o encargado da redacción do proxecto completo e da dirección de obra, cun contrato valorado en 206.264,31 euros máis IVE, ademais dun primeiro premio de 12.100 euros.

Premios para os finalistas

Os catro finalistas restantes recibirán recompensas económicas por un importe total de 17.500 euros (IVE incluído), distribuídos da seguinte maneira: