𝐎 𝐓𝐨𝐦𝐢ñ𝐨 𝐂𝐅 𝐝𝐞𝐧𝐮𝐧𝐜𝐢𝐚 𝐚𝐜𝐭𝐨𝐬 𝐯𝐚𝐧𝐝á𝐥𝐢𝐜𝐨𝐬 𝐝𝐮𝐧 𝐠𝐫𝐮𝐩𝐨 𝐝𝐞 𝐬𝐞𝐚𝐫𝐞𝐢𝐫𝐨𝐬 𝐝𝐨 𝐒𝐩𝐨𝐫𝐭𝐢𝐧𝐠 𝐆𝐮𝐚𝐫𝐝é𝐬 𝐝𝐮𝐫𝐚𝐧𝐭𝐞 𝐨 𝐩𝐚𝐫𝐭𝐢𝐝𝐨 𝐝𝐢𝐬𝐩𝐮𝐭𝐚𝐝𝐨 𝐧𝐨 𝐬𝐞𝐮 𝐜𝐚𝐦𝐩𝐨.

O encontro disputado onte entre o Sporting Guardés e o equipo local viuse interrompido temporalmente debido ao comportamento violento dun grupo de seareiros desprazados desde A Guarda. Parte da bancada ficou danada tras o lanzamento de asentos ao terreo de xogo, un feito que obrigou aos colexiados a deter o partido por seguridade.

Dende o club guardés emitiron un comunicado condenando de forma rotunda estes actos vandálicos, deixando claro que “non representan á totalidade da nosa afección”. A entidade considera os feitos como “totalmente reprobables” e avoga por manter os valores do deporte e o respecto entre afeccións.

As autoridades estudan agora as imaxes recollidas para identificar os responsables e tomar as medidas correspondentes.